الاستاذ الفاضل               تحيه طيبه 

  يقولون ان شر البليه ما يضحك وأخر نكته مضحكه مبكيه جاءت من محافظة الجيزه حيث يقول الخبر المنشور صفحه اولى منذ ايام ان محافظة الجيزه حماها الله تبحث تدبير مبلغ وقدره 20ألف جنيه مصرى لتركيب خط ساخن برقم مختصر لخدمة المواطنين يعنى رقم دليفرى  لاحظ يا سيدى اننا نتكلم عن عشرين الف  جنيه يعنى مش عشرين مليون ولا عشرين مليار لا سمح الله   !!  ولكن للأسف الشديد العين بصيره والايد قصيره المحافظه مفيهاش فلوس والكلام على عهدة المسؤليين كما جاء بالخبر حتى لانتهم بأهانه محافظة الجيزه اللى هى طبعا اهانه لمصر
وعظيمه يا مصر يا ارض اللوا !   وسيادة اللواء سواء كان فى اسيوط التى نقرأ فى الصحف ان الكنائس غيها تناشد السيد اللواء المحافظ تخصيص حصه شهريه من الدقيق لاطعام الرهبان خبزا او فى الجيزه التى يبحث فيها السيد اللواء المحافظ تدبير مبلغ العشرين الف بتوع التليفون ابو رقم مختصر لخدمة المواطنين   !! او فى اى محافظه من محافظات مصر لانعلم ما هى السياسه التى يتبعها الساده اللواءات لادارة معسكراتهم اقصد محافظاتهم وما الحل فى حالة الافلاس كما حدث فى محافظة الجيزه بالمناسبه السيد المحافظ السابق للجيزه كان دكتور وليس لواء وبرضه مفيش فايده تصوروا ان سيادته كان قد وعد أهالى منطقة العجوزه بتعويضات لمنازلهم واراضيهم التى استولت عليها الحكومه
لكن المصيبه ان سيادته لم يقل لنا امتى وفين هنصرف ؟ لحد ما عرفنا حقيقة  المركز المالى للمحافظه وان الصرف هيكون فى المشمش ويعوض علينا ربنا !!

 يا سيدى يبدو ان شعار المحافظين والمحافظات  الجديد هو  حافظوا على نظافة خزينتكم 

وختاما لسيادتكم خالص التحيه    /   حسن محمد صالح

العجوزه محافظة الجيزه